忙裡偷閒

近幾日忙到爆（麻煩妹，又有生字學了），完全無心機同時間寫blog，但昨日難得偷得少少時間，同左ster去睇戲（各位，我親愛的ster0既癌病可能復發，大家多點關心下佢啦），本來真係唔打算睇呢套怪雞片：《索女、喪屍、機關榆》（Planet Terror），但ster鍾意，就同左佢去睇（馬騮仔好錫妳的哦，家陣妳大曬，妳想點就點），睇完得淡笑，係拍得靚，但呢類所謂的荷李活B片，有時真係未必頂得住.........最重要係，我應承ster，等妳好返，妳去日本之旅包在我身上，麻煩妹都一定會出錢出力的！只要妳好返！

返屋企後本來都好累，而且工作還未完成，本來唸住做下野，點知煩麻妹又話想睇之前講好左一齊睇0既戲（《黃昏清兵衛》），無法子，係我唔好，上星期六無同佢睇，所以決定無論點眼訓都要一齊睇，鬼叫又係一個我好錫同埋永遠都大曬0既人！套戲值一個字，正！兩個字：勁正！三個字：超勁正！絕對係名不虛傳，2002年日本最佳電影，當年日本academy電影大獎中14個項目贏足12個（另外兩個贏唔到的其中一個係無可能提名0既「最佳外語片」，另一個係最佳女配角），無論演、導、畫面、情節、音樂、場境，一切一切都近乎完美！最然係眼訓，但無論係為左套戲，定係為左麻煩妹，都係值得的！