十年前後

十年前無internet，有都只係56k；無手提，只用call機（pager）


十年前無錢，十年後都係無；十年前有青春，但十年後無幾多淨......


呢十年，變得太多太多，唸返都真係好感概，因為十年前可以話係我人生0既轉變

無變既係身邊仍然有你地呢班好朋友！十年前，大雨；十後年，仍是大雨！十年前，你地成班人黎我屋企食pizza，倒數回歸；十年後，大部份都重聚於我家附近重聚至半夜。


一直想對某人講句多謝，十年來，唔係，應該係二十幾年來，你都係我左近，無咩你係唔知，所以昨晚又累你要聽我講我既野又一遍（原來你地有咁多人都唔知我以前既野），多謝你，老陳！


十年前，睇《香港製造》，一直以來佢同《千言萬語》都係我心目中第一位0既港產片。當年睇完，有想自殺0既感覺、無限0既失落同感概。


所以，0係2007年7月1日呢個咁特別0既日子，我要睇0既第五套片（承上一個post）就係呢一部（雖然之前已經睇過不下四五次），而且仲要專登邀請麻煩妹同我一齊再睇一次（但係佢仲未返屋企），妳快0的返來啦！