結左先算？！

尋日0係地鐵上面到一個日本0既朋友，佢黎左香港16年，老公係香港人。當佢知道原來我同麻煩妹同佢地一樣都係0係旅行時識0既時候，佢表現得好開心，因為原來佢同佢老公都係0係去旅行0既時候識0既。呢件事對我呢個香港窮小子黎講，毫無疑問係一大鼓舞！


之後佢好快就問我地幾時結婚，我心諗，唔通係因為佢年紀比較大，所以認為一拍拖就要拿拿林結婚？原來一0的都唔係咁......


當我同佢講我地未唸咁快結婚0既時候，佢就話：「唔好諗咁多啦，結左先算，捉佢過來，咁就咩都得0架啦！」聽完之後笑左好耐，佢並唔係無道理的，唔通呢個係佢0既親身經歷？係咪真係得0架？但人地咁就十六年啦喎，如果係咁0既又好似幾好，嘻嘻 :p