電影日

我愛電影，所以連續兩日去左兩套電影，對我0黎講其實好平常。

一套睇比想像中差，一套戲比想像中好，比想像中差0既係 cash back（《愛情回水》），尤其唔鬼鍾意個中文譯名，好俗，但估唔到原來套戲都係咁俗，所以真係無改錯名。不過又講返句公道說話，套戲只係個導演0既第一套長片，能拍得咁靚，其實已經好唔簡單，亦有好多好得意既笑位會令你睇得幾舒服，但係我0既期望本來真係幾高的！而且條「橋」真係有點老土！！！

另一套比預期中好0既係松本大洋0既大作《惡童》的動畫！全手繪、畫功一流、背景（舊東京城）仔細、動感十足、具鏡頭感，只係有好多人睇完都話睇唔明，但其實呢樣野都唔係真係咁重要姐！

實在可以比得上原作漫畫，預期不大係因為以往所有改編成動畫的，都叫人非常失望，但呢套卻叫人令眼相看！